ISO 20000-1:2018 — İT Xidmətlərinin İdarə Edilməsi

ISO 20000-1:2018 İnformasiya Texnologiyaları – Xidmət İdarəetmə Sistemi üçün beynəlxalq standartdır. Bu standart təşkilatlara IT və xidmət proseslərini planlamaq, idarə etmək, çatdırmaq və davamlı olaraq təkmilləşdirmək üçün sistemli bir çərçivə təqdim edir. Standartın əsas məqsədi göstərilən xidmətlərin keyfiyyətini artırmaq, müştəri məmnuniyyətini yüksəltmək və xidmət idarəetməsində sabit, ölçülə bilən və effektiv bir sistem yaratmaqdır.

ISO 20000-1:2018 standartının əsas faydaları xidmət keyfiyyətinin yüksəldilməsi, xidmət proseslərinin standartlaşdırılması, müştəri məmnuniyyətinin artırılması, risklərin daha effektiv idarə olunması, əməliyyat səmərəliliyinin yüksəldilməsi, daxili nəzarətin gücləndirilməsi və davamlı təkmilləşdirmə sisteminin formalaşdırılmasıdır. Bu standart həmçinin təşkilatlara beynəlxalq səviyyədə tanınma və rəqabət üstünlüyü qazandırır.

ISO 20000-1:2018 istənilən ölçüdə və sahədə xidmət göstərən təşkilatlar üçün tətbiq oluna bilər. Xüsusilə IT xidmətləri göstərən şirkətlər, texnoloji müəssisələr, outsourcing xidmətləri, dövlət və özəl sektor təşkilatları bu standartı tətbiq edə bilər. Standartın tətbiqi təşkilatlara xidmətlərin planlanmasından başlayaraq çatdırılmasına qədər bütün mərhələləri daha sistemli və effektiv idarə etməyə imkan verir.