ISO 37001:2016 — Rüşvətxorluğa Qarşı Mübarizə Sistemi

ISO 37001:2016 “Rüşvətxorluq Əleyhinə İdarəetmə Sistemi” üçün beynəlxalq standartdır. Bu standart, təşkilatlara rüşvətin qarşısını almaq, aşkarlamaq və ona qarşı mübarizə aparmaq üçün lazımi vasitələr və mexanizmlər təqdim edir. ISO 37001:2016 həm ictimai, həm də özəl sektor üçün tətbiq edilə bilər.

Əsas məqsədləri Rüşvətin qarşısını almaq və riskləri azaltmaq; Təşkilatın işgüzar nüfuzunu qorumaq və maraqlı tərəflərin etibarını artırmaq; Yerli və beynəlxalq qanunvericilik tələblərinə uyğunluğun təmin edilməsidir.

Standartın tətbiqi zamanı, Təşkilat daxilində və xaricində mümkün risklərin təhlili; İdarəetmə rəhbərliyinin rüşvət əleyhinə öhdəlik götürməsi; Rüşvətə qarşı effektiv siyasətlərin və prosedurların tətbiqi; İşçilərin rüşvətə qarşı məlumatlılığını artırmaq; Şübhəli halların bildirilməsi üçün mexanizmlər qurmaq və müvafiq tədbirlər görmək; Rüşvətə qarşı sistemin təsirliyini mütəmadi olaraq yoxlamaq və inkişaf etdirmək kimi proseslər əhatə olunur.

Bu Standart Özəl şirkətlərdə, Dövlət qurumlarında, Qeyri-kommersiya təşkilatlarında, həmçinin digər hər hansı qurumlarda tətbiq oluna bilər.

Üstünlükləri arasına Rüşvət əleyhinə qanunlara uyğun fəaliyyət göstərmək; Təşkilatın işgüzar nüfuzunu artırmaq və təhlükəsiz saxlamaq; Rüşvətə dair risklərin effektiv şəkildə idarə olunması; İctimaiyyət və işgüzar tərəfdaşlarla etibarlı əlaqələr qurmaq və s. daxildir. ISO 37001:2016 təşkilatlara rüşvətə qarşı mübarizədə effektiv bir sistem qurmaq üçün yol xəritəsi təqdim edir və onların fəaliyyətlərini daha şəffaf, etibarlı və qanunvericiliyə uyğun aparmasına kömək edir.